பாதகங்கள் தீர்க்கும் பரமனடி காட்டும்

வேதமனைத் துக்கும் வித்தாகும்- கோதை தமிழ்

ஐயைந்தும் ஐந்தும் அறியாத மானிடரை

வையம் சுமப்பதுவும் வம்பு.

பொருள்: கோதையாகிய ஆண்டாள் எழுதிய திருப்பாவை முப்பது பாசுரங்களைப் படித்தால் தீமை அனைத்தும் நீங்கும். பரம்பொருளான திருமாலின் திருவடியில் சேர்க்கும். வேதத்திற்கு வித்தாக விளங்கும் அப்பாடல்களை அறியாத மனிதர்களை இந்த உலகம் சுமந்திருப்பது கூட வம்பாகும்.