‛பியார் பிரேமா கல்யாணம்' டிரைலர் வெளியீடு

பியார் பிரேமா காதல் படத்தின் மூலம் இயக்குனராக அறிமுகமானவர் இளன். அடுத்து ஸ்டார் படத்தை இயக்கினார். இப்போது பியார் பிரேமா கல்யாணம் எனும் படத்தை இயக்கி, அதில் அவரே நடித்து, நாயகனாகவும் களமிறங்கி உள்ளார். இவருக்கு ஜோடியாக சான்வி மேக்னா நடித்துள்ளார். முக்கிய வேடங்களில் ராதிகா, யோகிபாபு, செந்தில், எம்எஸ் பாஸ்கர், கீதா கைலாசம் உள்ளிட்டோர் நடித்துள்ளனர். யுவன் இசையமைத்துள்ளார். இந்தபடம் நேரடியாக நெட்பிளிக்ஸ் ஓடிடியில் ஆக., 21ல் வெளியாகிறது.

இதன் டிரைலரை வெளியிட்டுள்ளனர். திருமணத்திற்கு பிறகு தனது பெற்றோர் வீட்டை விட்டுச் செல்ல மறுக்கிறார் சான்வி மேக்னா. அதனால், வழக்கத்திற்கு மாறாக அவரது கணவரான இளன், மனைவியின் வீட்டிற்கே குடி பெயர்கிறார். இதன் பின்னர் தொடங்கும் குடும்ப கலாட்டா, மோதல்கள், உறவுகளின் சிக்கல்கள் ஆகியவற்றை பேசும் படமாக உருவாகி உள்ளது. தற்போது இந்த டிரைலர் கவனம் பெற்றுள்ளது.