சர்தார்-2வை தொடர்ந்து ஸ்ரீ விஷ்ணுவுக்கு ஜோடியாகும் ஆஷிகா ரங்கநாத்!
ADDED : 10 hours ago
தமிழில் அதர்வா நடித்த 'பட்டத்து அரசன்', சித்தார்த் நடித்த 'மிஸ் யூ' போன்ற படங்களில் நடித்த கன்னட நடிகை ஆஷிகா ரங்கநாத், தற்போது கார்த்தி நடித்துள்ள 'சர்தார்-2' படத்தில் மூன்று நாயகிகளில் ஒருவராக நடித்துள்ளார். பி.எஸ்.மித்ரன் இயக்கியுள்ள இப்படத்தில் எஸ்.ஜே.சூர்யா வில்லனாக நடித்துள்ளார். இப்படம் செப்டம்பர் 10ம் தேதி திரைக்கு வருகிறது.
மேலும், தெலுங்கில் தற்போது சிரஞ்சீவி நடித்துள்ள 'விஸ்வாம்பரா' படத்தில் முக்கிய வேடத்தில் நடித்துள்ள ஆஷிகா ரங்கநாத், அடுத்து தெலுங்கில் சன்னி சஞ்சய் இயக்கத்தில் ஸ்ரீ விஷ்ணு நடிக்கும் இன்னும் பெயரிடப்படாத படத்தில் அவருக்கு ஜோடியாக கமிட்டாகியுள்ளார். சித்தாரா எண்டர்டெயின்மென்ட்ஸின் 39வது படமாக இப்படம் தயாராகி வருகிறது. இன்றைய இளைஞர்களின் போராட்டங்களையும் உணர்வுகளையும் எடுத்துரைக்கும் வகையில் சமீபத்தில் வெளியான இப்படத்தின் கிளிம்ப்ஸ் வீடியோ நல்ல வரவேற்பைப் பெற்று, படத்தின் மீதான ஆர்வத்தை தூண்டியுள்ளது.