டார்ஜிலிங், மேற்கு வங்க மாநிலத்தில் அமைந்துள்ள மலை வாசஸ்தலம் ஆகும். இமயமலையில் அமைந்துள்ள டார்ஜிலிங்கின் இயற்கை அழகை ரசிக்க கோடைகாலம் ஏற்றது. இந்த மலை பிரதேசத்துக்கு செல்லும் மலை ரயில், பொம்மை ரயில் அல்லது டார்ஜிலிங் இமயமலை ரயில் என்று அழைக்கப்படுகிறது.

இன்றும் தொடர்ந்து செயல்பட்டு வரும் இந்த பொம்மை ரயிலை இயக்கும் நீராவி இன்ஜின்கள் 125 வயதை எட்டியுள்ளன. அதன் பயணத்தின் மூலம், கிட்டத்தட்ட 2,200 மீட்டர் உயரம் வரை மலை ஏறுகிறது.

டார்ஜிலிங் இமயமலை ரயில்வேயின் இயக்குனர் ரிஷவ் சவுத்ரி கூறியதாவது:

இந்த மலை ரயில் சேவை, 125 ஆண்டுகள் மட்டுமல்ல, அதை விடவும் அதிகம். நாங்கள் 1881ல் இருந்து எங்கள் சேவைகளைத் தொடங்கினோம். ஆகவே இதை இயக்கும் சில எஞ்சின்கள் 125 ஆண்டுகள் பழமையானவை.

சமீபத்தில், ஒரு மாதத்திற்கு முன்பு, எங்கள் பழமையான இயங்கும் இஞ்சின்களின் 125வது ஆண்டு விழாவைக் கொண்டாடினோம். சேவைகளைப் பொறுத்தவரை, பயணிகளுக்கு வழக்கமான நீராவி இன்ஜின் சேவைகளைக் கொண்ட உலகின் சில ரயில்வேக்களில் இதுவும் ஒன்று என்பதை நான் உங்களுக்குச் சொல்ல விரும்புகிறேன்.

உலகில் மிகச் சில ரயில்வேக்களில் மட்டுமே நீராவி இன்ஜின் சேவைகள் உள்ளன. எங்களிடம் தினசரி ரயில்கள் உள்ளன. இந்த ஆண்டு, காலை 7:15 மணிக்கு காலை மகிழ்ச்சிப் பயணத்தை அறிமுகப்படுத்தியுள்ளோம், அதற்கு எங்களுக்கு மிகப்பெரிய வரவேற்பு கிடைத்துள்ளது.

125 ஆண்டுகள் பழமையான நீராவி இன்ஜினின் முன்னேற்றத்தை தொடர்ந்து கண்காணிக்கும் நிபுணர் பொறியாளர்கள் மற்றும் லோகோ பைலட்டுகள் எங்களிடம் உள்ளனர்.

இந்த லோகோ என்ஜின்கள் அனைத்தும் நன்றாக இயங்குகின்றன. அது தொடர்ந்து நன்றாக இயங்குவதை உறுதிசெய்ய, லோகோ இன்ஜினின் ஒவ்வொரு விவரத்தையும் நாங்கள் உன்னிப்பாகக் கண்காணிக்கிறோம்.

இவ்வாறு ரிஷவ் சவுத்ரி கூறினார்.