திருக்கனுார் அடுத்த சோரப்பட்டு கிராமத்தில் ஸ்ரீதேவி பூதேவி சமேத சீனிவாச பெருமாள் கோவில் அமைந்துள்ளது. இக்கோவிலில் 3ம் ஆண்டு கும்பாபிஷேக நிறைவாக, சுவாமி திருக்கல்யாண உற்சவம் நேற்று நடந்தது.இதையொட்டி, காலை 7:00 மணிக்கு சிறப்பு திருமஞ்சனம், காலை 9:00 மணிக்கு சாற்றுமுறை தீர்த்தம், பிரசாதம் வழங்கப்பட்டது.

முக்கிய நிகழ்வாக, மாலை 5:00 மணிக்கு ஸ்ரீதேவி பூதேவி சமேத சீனிவாச பெருமாள் சுவாமி திருக்கல்யாண உற்சவம் நடந்தது. திரளான பக்தர்கள் மற்றும் பொதுமக்கள் தரிசனம் செய்தனர்.

ஏற்பாடுகளை கோவில் அறங்காவலர் குழுவினர் மற்றும் பொதுமக்கள் செய்திருந்தனர்.