விருத்தாசலம் அருகே மங்கலம்பேட்டையை சேர்ந்தவர் ராமதாஸ் மகன் ராமச்சந்திரன், 18; மங்க லம்பேட்டை அரசு ஆண்கள் மேல்நிலை பள்ளியில் பிளஸ் 2 படித்து வந்தார்.

கடந்த 17ம் தேதி காட்டுப்பரூரில் உள்ள நண்பரை பார்க்க பைக்கில் சென்றார்.

கர்னத்தம் பஸ் நிறுத்தம் அருகே சென்றபோது, எதிரே வந்த பைக் ராமச்சந்திரன் பைக் மீது மோதியது.

இதில் படுகாயமடைந்த ராமச்சந்திரன், முண்டியம்பாக்கம் அரசு மருத்துவ கல்லுாரி மருத்துவமனையில் சிகிச்சை பெற்று வந்த நிலையில், நேற்று முன்தினம் உயிரிழந்தார்.

மங்கலம்பேட்டை போலீசார் வழக்கு பதிந்து விசாரித்து வருகின்றனர்.