இதில், பழைய தர்மபுரி அருகே, தனியார் கார் வாட்டர் வாஷ் நிறுவனத்தில், ஆய்வு செய்தபோது அங்கு 17, வயது சிறுவன் கார் சுத்தம் செய்யும் பணியில் ஈடுபட்டது தெரியவந்தது. சிறுவனை மீட்டு, குழந்தைகள் பாதுகாப்பு குழுமம் மூலம், குழந்தைகள் பாதுகாப்பு இல்லத்தில் ஒப்படைத்தனர். தொடர்ந்து, கார் வாட்டர் வாஷ் நிறுவனத்தின் உரிமையாளர் மீது, வழக்குப்பதிந்தனர்.

இது குறித்து, தொழிலாளர் உதவி ஆணையர் (அமலாக்கம்) ராஜசேகர் தெரிவித்துள்ளதாவது:

குழந்தை தொழிலாளர் மற்றும் வளரிளம் பருவ தொழிலாளர்கள் தடுத்தல் மற்றும் முறைப்படுத்துதல் சட்டத்தின்படி, 14 வயதுக்கு உட்பட்ட குழந்தைகள் மற்றும் 14 முதல், 18 வயது வரையிலான வளரிளம் பருவத்தினரை, எவ்வித தொழில்களிலும் ஈடுபடுத்துவது முற்றிலும் தடை செய்யப்பட்டுள்ளது. இந்த சட்ட விதிமுறைகளை மீறுவோருக்கு, 2 ஆண்டு சிறை தண்டனை மற்றும், 50,000 ரூபாய் அபராதம் விதிக்கப்படும். எனவே, குழந்தைகள் மற்றும் வளரிளம் பருவத்தினரை பணிக்கு அமர்த்த வேண்டாம். இவ்வாறு, அவர் தெரிவித்துள்ளார்.