இந்நிலையில் ஏ.ஜெட்டிஹள்ளி பஞ்., பகுதியை சேர்ந்த, 150க்கும் மேற்பட்ட பெண்கள் நேற்று நடந்த குறைதீர் நாள் கூட்டத்தில், கலெக்டர் சதீஸ்யிடம், 100 நாள் வேலை உறுதி திட்டத்தில் பணி வழங்க கோரி மனு அளித்தனர்.

இது குறித்து, அவர்கள் கூறுகையில், 'கடந்த, 4 மாதங்களாக, 100 நாள் வேலை திட்டத்தில் எங்களுக்கு பணி வழங்கவில்லை. இதனால் எங்களுக்கு பிழைப்பதற்கு வேறு எந்த வாழ்வாதாரமும் இல்லை. எனவே, எங்களுக்கு பணி வழங்க வேண்டும்' என்றனர்.