கிருஷ்ணகிரி தர்மபுரி மாவட்டம், கடத்துாரில், கடந்த சில வாரங்களுக்கு முன் உயிரிழந்த, பா.ம.க., மாநில செயற்குழு உறுப்பினர் கனல் ராமலிங்கத்தின் படத்திறப்பு நிகழ்ச்சியில் கலந்து கொள்ள நேற்று, பா.ம.க., தலைவர் அன்புமணி சென்னையிலிருந்து சாலை மார்க்கமாக வந்தார். காலை, 11:00 மணியளவில், கிருஷ்ணகிரி ஆவின் மேம்பாலம் அருகே வந்த அவருக்கு, வன்னியர் சங்க மாநாட்டை சிறப்பாக நடத்தியதற்கு பாராட்டு தெரிவிக்கும் வகையில், கிரேன் மூலம், 12 அடி உயர ஆப்பிள் மாலையை அணிவித்து, பா.ம.க.,வினர் வரவேற்றனர். மாவட்ட மகளிரணியை சேர்ந்தவர்கள் வழிநெடுக மலர் துாவி வரவேற்றனர்.