இக்கோயிலில் மாசி திருவிழா பிப்., 14 கொடியேற்றத்துடன் துவங்கியது.

விழா நாட்களில் தினமும் காலை மாலை சுவாமியும் அம்மனும் பல்வேறு வாகனங்களில் வீதி உலா வந்தனர். 10ம் நாளான நேற்று அதிகாலை 4:00 மணிக்கு கோயில் நடை திறக்கப்பட்டது. அதிகாலை 4:30 மணிக்கு விஸ்வரூப தீபாராதனை, காலை 6:00 மணிக்கு உதய மார்த்தாண்ட அபிஷேகம் நடந்தது. காலை 6:30 மணிக்கு விநாயகர் தேர் புறப்பட்டு ரத வீதிகளை சுற்றி நிலைக்கு வந்தது.

பின்னர் சுவாமி குமரவிடங்க பெருமான், வள்ளி தெய்வானையுடன் எழுந்தருளிய பெரிய தேர் காலை 7:20 மணிக்கு பக்தர்களால் வடம் பிடித்து இழுத்து வரப்பட்டது.

பக்தர்கள் வெற்றிவேல் முருகனுக்கு அரோகரா என கோஷங்களை எழுப்பினர். தொடர்ந்து தேர் ரத வீதிகளில் சுற்றி வந்து காலை 9:05 மணிக்கு நிலைக்கு வந்தது. தொடர்ந்து தெய்வானை அம்மன் எழுந்தருளிய தேர் காலை 9:15 மணிக்கு புறப்பட்டு ரத வீதிகளில் வலம் வந்தது. 11 வது நாளான இன்று (பிப்., 24) தெப்ப உற்ஸவம் நடக்கிறது.