இசையமைப்பாளர் ஜிவி பிரகாஷின் இரண்டாவது 300 மில்லியன்
தமிழ் சினிமாவில் இதுவரையில் வெளியான பாடல்களில் யு டியூப் தளத்தில் அதிகப் பார்வைகளைப் பெற்ற பாடல்களில் 'மாரி 2' படத்தில் இடம் பெற்ற 'ரவுடி பேபி' பாடல் 1700 மில்லியன் பார்வைகளைக் கடந்து முதலிடத்தில் உள்ளது.
வேறு எந்த ஒரு பாடலும் 1000 மில்லியன் பாடலைக் கடக்கவில்லை. 'பீஸ்ட்' படத்தில் இடம் பெற்ற 'அரபிக்குத்து' பாடல் 800 மில்லியன் பார்வைகளைக் கடந்துள்ளது. அப்பாடல் வேண்டுமானால் இன்னும் சில மாதங்களில் 1000 மில்லியன் பார்வைகளைக் கடக்க வாய்ப்புள்ளது.
300 மில்லியன் பார்வைகளைக் கடந்த பாடல்களாக ஜிவி பிரகாஷ்குமார் இசையமைத்த இரண்டு பாடல்கள் உள்ளன. அவரது இசையில் கடந்த வருடம் வெளிவந்த முன்பு 'நிலவுக்கு என் மேல் என்னடி கோபம்' படத்தின் 'கோல்டன் ஸ்பாரோ' பாடல் சில வாரங்களுக்கு முன்பு 300 கோடி பார்வைகளைக் கடந்தது.
அடுத்து, இந்த வருடம் வெளிவந்த 'யூத்' படத்தின் 'முட்ட கலக்கி' பாடல் தற்போது 300 மில்லியன் பார்வைகளைக் கடந்துள்ளது. கடந்த ஜுலை மாதக் கடைசியில்தான் இப்பாடல் 250 மில்லியன் பார்வைகளைக் கடந்திருந்தது. ஒரு மாதத்தில் மேலும் 50 மில்லியன் பார்வைகளைப் பெற்றுள்ளது குறிப்பிட வேண்டிய ஒன்று.